दोहा-वंदना
दोहा थानें साधवा, करतो जतन करोड।
रीझ छंद रा-राजवी, कहूं हाथ द्वयजोड॥1
मंतर लय रा मारतो, जागूं निश अर भोर।
दोहा अम पर रीझझै, रे छंदों सिरमोर॥2
दोहा जो थूं हा कहै, तौ लिख दूं कुछ ओर।
पुत्र वरद पिंगळ प्रखर, कविता-काळज-कोर॥3 […]
Author: डॉ. नरपत दान आसिया "वैतालिक"
कवि डॉ. नरपत आवडदान आसिया “वैतालिक” (email: narpatasia@gmail.com) राजस्थानी, हिंदी, उर्दू, गुजराती और ब्रज भाषा की कविता के उभरते हुए नवोदित हस्ताक्षर हैं। आप ग्राम खांण, तहसील रेवदर, जिला सिरोही (राजस्थान) से हैं। आप का जन्म राजस्थान में उनके ननिहाल ग्राम मलावा, तहसील रेवदर, जिला सिरोही में उनके नानाजी कवि श्री अजयदान जी लखदान जी रोहडिया के यहाँ दिनांक 25/08/1974 को हुआ।
“वैतालिक” को प्रारंभिक कविता की शिक्षा उनके नानाजी श्री अजयदान जी लखदान जी रोहडिया से मिली । जो महाराव लखपत जी ब्रजभाषा काव्य पाठशाला भुज के अंतिम विद्यार्थीयों में से एक थे। आप राजस्थानी और ब्रज भाषा के एक सम्मानित कवि अपने जमाने के रहे।
आप की प्रमुख रचनाए मेहाई सतसई (सात सो दोहो का संग्रह), मां मोगल मछराळ शतक (मोगल मां के एक सो आठ दोहों का संग्रह), आवड आखे आशिया ( आवड मां पर दोहै लगभग 300 रचना जारी), मेघदूत का राजस्थानी में भावानुवाद, कृष्ण के विभिन्न चित्रों पर दोहा लेखन (करीब चार सो दोहै) आवड मां पर त्रिकूट बंध गीत, त्रिभंगी छंद, भेरूजी का त्रिभंगी छंद, नवनाथ का त्रिभंगी छंद, गणेश का त्रिभंगी छंद, चामुंडा का रोमकंद छंद, नव दुर्गा का रोमकंद/त्रिभंगी छंद बनाए है। कई रचनाओं का उल्लेख करना यहां संभव इसलिए नही है क्योंकि अनावश्यक परिचय लंबा हो जाएगा।
मत जावो परदेस
आवो तो जावो मती, नैणां रहौ नजीक।
गरथ गांठ जिम बांध लूं, बिछुडण री नह बीक॥1
जावण ! री जचती नहीं, मनभावण मनमीत।
सावण में दामण सदा, सँग घन रहै नचीत॥2
जावौ दूर दिसावरां, ठाकर बात न ठीक।
चाकर री चिंता करो, आछी नहीं उडीक॥3 […]
रिषिवर धर रूप अनुपम तरुवर
🌺छंद रेणकी🌺
आतप मँह छाय करे जन जन औ, रुत पावस सिर त्राण करे।
शुभ पवन सुबांटत शीतल सुंदर, विहग सदा जिण पर विहरे।
दिल सूं उपकार करे वह हरदम, जिणरो सभी बखाण करे।
रिषिवर धर रूप अनूपम तरुवर, कायम जग कल्याण करे॥1
तीरथ सरवर वळ ताल नदी तट, वट गुलर अस्वत्थ वळे।
बिच ओरण केर बोर बण ओपत, जंगळ गिर पर जोत जळे।
करता बहु नीड विहग घण कलरव, इसडो कुण उपकार करै।
रिषिवर धर रूप अनूपम तरूवर,कायम जग कल्याण करे॥2 […]
आख्यां रा अमल रो हाको
ह्रदय- कोटडी हे सखी!, जाजम नेह जमाव।
आखां तणा अफीम रो, हाकौ करै बुलाव॥1
नैणां तणा खरल्ल में, सैण नेह रस घूंट।
पछै अमल पा प्रेम सूं, लेय काळजौ लूंट॥2
करै पलक री गाळणी, खरल नेह रस घोळ।
अमल पिवाडो आंख सूं, पीतम थें मन -पोळ॥3 […]
गज़लें : वैतालिक कृत
म्है खत थांनै आज लिखूं सा।
मत व्हैजो नाराज लिखूं सा।
कदे शिकायत थें मत कीजो,
घणै मान सूं राज लिखूं सा।
थांरी सूरत रा हेताळू,
अजब गजब अंदाज लिखूं सा।
मन री बातां खोल बतासूं
खरा ज आखर आज, लिखूं सा।[…]
क्रां काळी मां काळिका
क्रां काळी मां काळिका, गळ नर मुंडां माळ।
बाळक नें मत बीसरै, रहजै थूं रखवाळ॥1
काळी खपराळी कथी, खेंगाळी खळ खाण।
क्रां क्रीं क्रूं बीजाक्षरी, माता बसै मसाण॥2
क्रां काळी विकराळ मुख, खळां खपावण वाळ।
लप लप लपकारा करै, जीभ अगन री ज्वाळ॥3 […]
रे दीपक री दीकरी
दीपक! तौ दुशमन तिमिर, छुपियौ थारे हेठ।
कह कीकर करसी सखा, उणरो थूं आखेट॥1
देखै अंधड दीवला, मत पडजै थूं मंद।
तम हर नित तव तेज सूं, अर जग दे आणंद॥2
रे दीपक री दीकरी, जळ हळ जळ हळ जोत।
थारी ऊजळ किरण सूं, चारु चांदणौ होत॥3 […]
कूंची फैंक समंद
सुरमे ज्यूं रखजै सखी, आंख्या माँही आँज।
पछै पलक कर बंद अर, रख घुंघट पट मांझ॥1
नैण कोटडी मौ छुपा, द्वार पलक कर बंद।
अवगुण्ठन ताळां जडै, कूंची फैक समंद॥2
केस रैण जिम काजळी, तारक जिम बनफूल।
आनन शशि अनूप लख, जाऊं सुधबुध भूल॥3 […]
एक अतुकांत कवियत्री को
छंद बंद को छोड कर, मन के अंतरद्वंद।
लिखते हो कितने सरल, सुंदर काव्य निबंध॥1
लिए सहज कर तूलिका, और मिलाकर रंग।
मन माफिक चित्रित सरस, करते भाव प्रसंग॥2
कविता कलकल आपकी, लय की लिए न लीक।
भावों से चित को हरै, सुन्दर, सरस, सटीक॥3 […]
दुआ
दुआ मुझे तुमने छुआ, हुआ तभी खुशहाल।
वरना नरपत का सखी, बहुत बुरा था हाल॥1
दुआ आप मुझको मिली, खिली तभी मन डाल।
पंछी फिर आने लगै, इस सुखै मरु- ताल॥2
दुआ दुःखी मन की दवा, दुआ हरे सब पीर ।
दुआ काज सब भटकते, खोजत संत फकीर॥3 […]