छानै-छानै पकड़ ले गाबड़
आज तक नीं दीठो
किणी थारो रूप रंग
बैवण रो ढंगढाल़ो
कै उणियारो
कैड़ो है!
मनभावणो!
कै अल़खावणो!
विडरूप डरियावणो कै
सुहावणो है!
दांत दाड़म सा है
कै जरख रै उनमान[…]
Category: कविगण
कागद़ लिखदूं थानें साई!
कागद़ लिखदूं थानें साई!
मन रा आखर भाव मांडदूं, कलम नेह रसनाई!
बालम!साजण!पीव!छबीला!छैला!कुंवर कन्हाई!
रसिया!मन बसिया!,नट-नागर!कहूं आप नें कांई!1
अठै आप बिन दाय न आवै, मन री कही न जाई!
बाटूं बिरह व्यथा जो ब्रज में, हँससी लोग लुगाई!2[…]
वीर देवपाल़ देवल रो गीत सोहणो
5 मई 1948 नै जनम्या देवपालसिंह देवल, बासणी दधवाड़ियान (जिला पाली, राज. ) रा भवानीदानजी देवल अर श्रीमती प्रकाशकंवर ऊजल़ (ऊजल़ां जिला जैसलमेर, राज. ) रा मोभी हा। देवकरणजी बारठ लिखै– आद कहावत चलती आवै, साची जिणनै करी सतेज। मामा जिणरा हुवै मारका, भूंडा क्यू नीपजै भाणेज? नाथूराम सिंहढायच नानो, दादो जिणरो माधोदास। दुषण रहित घराणा दोनूं, कुळ भूषण मामो कैलाश अंग्रेजी साहित्य में स्नातक हुवण पछै आप भारतीय सेना में एनसीसी रै माध्यम सूं एक कमीशन अधिकारी के रूप में शामिल हुया। उणां छोटी वय में ई हिमालय पर्वतारोहण संस्थान और महू (मध्य प्रदेश) में कमांडो कोर्स नै सफलतापूर्वक […]
» Read moreआ रे म्हारा समपमपाट!
आ रे म्हारा समपमपाट!
हूं तनै चाटूं तूं म्हनै चाट!!
म्हारी चुगली तूं मत खाजै!
हुं नीं करसूं थारी काट!!
मिल़ियां मिल़सी माल मलिदा!
लड़ियां घर में लूखी घाट!!
म्हारो तूं नै, थारो हूं तो!
दुसमण री लागै नीं झाट!![…]
देवकी उदर में प्रगटियो डीकरो
।।गीत-प्रहास साणोर।।
कड़ाका आभ दे बीजल़ी जबर कड़कड़ी,
धड़धड़ी कंसरी धरण धूजी।
हड़बड़ी दूठ रै वापरी हीयै में
पुनी जद गड़गड़ी खबर पूजी।।1
देवकी उदर में प्रगटियो डीकरो,
असुर तो मोत रो रूप आयो।
ईधर न ऊबरै उधर नह ऊबरै
जबर वसुदेव ओ सुतन जायो।।2[…]
भाई रे मिनखां भाई!
भाई रे मिनखां भाई!
थांरी बुद्धि रो थाग
नीं लाधै
बापड़ै बूढै विधाता नै!
बो फरोल़ो है
आपरी झीर-झीर जूनी बही रा पाना
जिणमें कठै ई
कदास लाध जावै कोई ओल़ी
कै
बी कांई लिखियो हो?[…]
किरियावर
आप सही फरमावो हो
कै
आपरो किरियावर है
म्हारै बडेरां माथै!
म्हारै माथै!
मोटोड़ै मिनखां!
म्है कीकर विसराय सकूं
किरियावर आपरो?
आपनै तो शायद
पांतरो पड़ग्यो होवैला
पण
म्हनै चेतो है[…]
तरस मिटाणी तीज!
हड़हड़ती हँसती हरस, तरस मिटाणी तीज।
हरदिस में हरयाल़ियां, भोम गई सह भीज।
भल तूं लायो भादवा, तरस मिटाणी तीज।।
भैंसड़ियां सुरभ्यां भली, पसमां घिरी पतीज।
मह थल़ बैवै मछरती, तकड़ी भादव तीज।।
सदा सुहागण सरस मन, धन उर राखै धीज।[…]
आफत नीं आभूषण है बुजुर्ग
अबै आयो बुढापो। मुंशी प्रेमचंदजी ‘बुढापै नै बाळपणै रो पुनरागमन’ बतायो है। आ बात साव साची है। आदमी रो मन बेगो सो’क बूढो कोनी हुवै। बाळपणै में टाबर रो मन करै कै तेज दौड़ूं पण सरीर सांभणो कोनी आवै जणा दौड़ीजै कोनी। मन में आवै कै चांद नै पकड़ूं पण हाथ आवै नीं। घर में पड़ी चीजां रै ढोळण-पंचोळण री घणी जी में आवै पण घर वाळा पार नीं पड़ण द्यै। लबोलवाब ओ कै बाळापै में मन तो बणै पण तन रो साथ कोनी मिलै। आ री आ गत बुढापै में हुवै। मन तो मालजादो मोट्यार रो मोट्यार रैवै, बेगो सो क्यांरो मानै। ताल मिलतां ई तालर घालण ढूकै पण गोडा साथ द्यै जणा। […]
» Read moreऐ है भारत रा भावी कर्णधार!
इण दिनां होय रैयै अंतर्राष्ट्रीय खेलां म़े भारत रै पुरष खिलाड़ियां रै प्रदर्शन नै लेय कई कवि मित्रां आपरी काव्यात्मक टिप्पणियां की। इणी कड़ी में कीं ओल़्यां आपरी निजर कर रैयो हूं पण खाली खिलाड़ियां नैं इंगित नीं कर र ऐड़ी समूली मानसिकता रै माथै-
ऐ है भारत रा भावी कर्णधार!
उठणै री आंरी पौच नहीं, माथै लैणै रो भार!!
आंख्यां में आंरै गीड झरै,
सैफड़ रा बैवै परनाल़ा।
उठतां री पींड्यां धूजै है,
आंख्यां रै आडा तिरमाल़ा।